“Ўзбекистонда ёшларнинг ишга жойлашиш кўникмаларини шакллантириш

2024 йил 26 ноябрь куни Фарғона шаҳар Зиёрат мехмонхонасида АҚШ Халқаро тараққиёт агентлиги (USAID) томонидан “Ўзбекистонда ёшларнинг ишга жойлашиш кўникмаларини шакллантириш” дастури доирасида семинар-тренинг ўтказилди.

Тадбирда ЎзННТМА Фарғона вилоят бўлинмаси, Агроинновация жамғармаси Фарғона вилоят бўлими ҳамда Фарғона ва Андижон вилоятларидан фаол тадбиркорлар иштирок этишди.

Тадбирда иштирокчиларга USAIDнинг “YES” дастури ҳамда ундан кўзланган мақсад, хусусий сектор билан ҳамкорлик истиқболларини муҳокама қилиш ҳамда рақамли маркетинг тушунчаси ҳақида батафсил маълумотлар берилди.

Ўзбекистон ёшларининг ишга жойлашиш кўникмаларини шакллантириш (YES) дастури ёшларнинг имкониятларини кщламини кенгайтиради ва уларни Ўзбекистоннинг ижтимоий-иқтисодий ривожланишига мувофаққиятли ҳисса қўшишлари учун зарур бўлган билим ва кўникмалар билан таъминлайди. Аҳолсинининг 60 фоиздан ортиғи 30 ёшгача бўлган қатламдан иборат Ўзбекистонда ёшлар меҳнат бозори ва иқтисодий ўсишга қўшган ҳиссаси орқали мамлакатда ижобий ўзгаришларни амалга ошира оладилар. Бу мақсадга эришишда ёш аҳоли қатламини меҳнат бозорида иш ўринлари билан таъминлаш ёки янгиларини яратиш, ҳамда келажакда меҳнат бозори учун уларга зарур бўладиган билим ва кўникмаларини шакллантириш муҳим аҳамият касб этади. 2022-йилнинг январь ойида USAID Ўзбекистон Республикаси Мактабгача ва мактаб таълими вазирлиги билан ҳамкорликда ёшларни меҳнат бозорида рақобат қилиш ва ишга жойлаштириш имкониятини ошириш мақсадида умумий қиймати 10 миллион АҚШ долларига тенг беш йиллик "Ўзбекистонда ёшларнинг ишга жойлашиш кўникмаларини шакллантириш" дастурини ишга туширди. Мазкур дастур мамлакатда аёллар, қизлар ва ногиронлиги бўлган ёшларга алоҳида эътибор қаратади.

Дастурнинг асосий мақсади 9-11-синф ўқувчиларини мактаб ва мактабдан ташқари машғулотларда, шунингдек, амалий, тажрибага асосланган ўқув дасутрлари ва ўқув амалиётларининг сифати ва долзарблигини ошириш орқали ёшларни меҳнат бозорида маҳоратли ходим ёки тадбиркор сифатида иштирок этиши учун керакли кўникма ва воситалар билан таъминлашдан иборат.