2024 йил 2 декабрь куни Фуқаролик жамияти ҳафталиги доирасида Юксалиш ҳаракати Фарғона вилоят бўлими томонидан Фарғона шаҳар "Нодавлат нотижорат ташкилотлари уйи"да ННТ вакилларининг Ҳалқ депутатлари Фарғона вилояти Кенгаши ва Адлия бошқармаси масъуллари билан учрашуви ташкил этилди.
Учрашувнинг мақсади – фуқаролик жамиятининг ривожланиши, ННТлар ва давлат органлари ўртасидаги ҳамкорликни мустаҳкамлаш, шунингдек, ижтимоий аҳамиятга эга бўлган қонунчилик ташаббусларини муҳокама қилишдан иборат бўлди.
Учрашувда фуқаролик жамиятининг қонунчилик ишидаги иштирокини кенгайтириш, ННТлар ва давлат органлари ўртасида ҳамкорлик механизмларини мустаҳкамлаш, қонунчиликнинг ижтимоий аҳамиятга эга бўлган лойиҳаларга таъсири муҳокама қилинди.
Ҳусусан, Ўзбекистон нодавлат нотижорат ташкилотлари миллий ассоциацияси Фарғона вилоят ҳудудий бўлинмаси раҳбари Д.Фозилов томонидан 2024 йил 26 августда қабул қилинган "Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбирлари тўғрисида"ги ПФ-124-сон Фармон мазмун-моҳияти ва унда ННТлар учун яратиб берилган имкониятлар тўғрисида батафсил маълумотлар бериб ўтди. Шунингдек, ЎзННТМАга аъзо ННТлар томонидан давлат ташкилотлари билан ҳамкорликда амалга оширилаётган давлат ижтимоий буюртмалари ҳамда грантлар ҳақида маълумотлар берилди.
Учрашувда спикерлар томонидан, ННТлар фаолиятини қўллаб-қувватлаш ва улар билан ҳамкорликни янада чуқурлаштириш зарурлигини таъкидлади. Шунингдек, давлат ва фуқаролик жамиятининг ўзаро ишлашида барқарорликни таъминлаш муҳимлигини эътироф этди.
Учрашув давомида томонлар фуқаролик жамиятининг барқарор ривожи учун қўшимча чора-тадбирларни ишлаб чиқиш ва амалга оширишга келишиб олдилар.
© 2024 Barcha huquqlar himoyalangan.