Фуқаролик жамияти ҳафталиги доирасида "Фуқаролик жамиятини ривожлантиришга қўшган ҳиссаси учун" кўкрак нишони ўз эгаларига топширилди

2024 йил 5 декабрь куни Фуқаролик жамияти ҳафталиги доирасида "Фуқаролик жамиятини ривожлантиришга қўшган ҳиссаси учун" кўкрак нишони ўз эгаларига топширилди.

Ҳусусан Ўзбекистон нодавлат нотижорат ташкилотлари миллий ассоциацияси аъзоси Фарғона вилояти “Болажон дунёси” хайрия жамоат фонди раҳбари Норматов Рахматжон Аъзамович ҳам тақдирланди.

Р.Норматов уй-жой қуришда ва оғир аҳволга тушиб қолган инсонларга ўз ёрдамини кўрсатишда катта тажрибага эга бўлган жонкуяр раҳбар. 

Оғир аҳволга тушиб қолган, ногиронлиги бўлган ва ногирон фарзанди бўлган ёрдамга муҳтож инсонларга амалий ёрдам кўрсатиб, фидойи инсон сифатида халқимиз орасида барчага намуна бўлиб келмоқда.

Ҳайрия жамоат фонди раҳбари томонидан саҳоватпеша инсонларнинг ёрдамлари ва эҳсонлари орқали ёрдамга муҳтож инсонлар ҳамда уларнинг фарзандларига доимий тарзда ёрдамлар кўрсатилиб келинмоқда.

Сўнгги уч йилда унинг бошчилигида 515 нафар боқувчиси бўлмаган,  ногиронлиги бўлган эҳтиёжманд болаларнинг даволаниши ва яшаш шароитларини яхшилаш учун 5 млрд 400 млн сўмдан зиёдроқ беғараз моддий ёрдамлар кўрсатилган.

2021 йилда Фарғона вилояти Болалар кўп тармоқли шифохонаси Анкогематалогия бўлимига 20 дона она-бола учун койка-диван, тунбучка ва музлаткичлар олиб берилди. Бундан ташқари Республика илмий текшириш институти қошидаги Анкогематология беморларининг дори-дармонларига ёрдам берилди. Шунингдек Россия, Туркия, Ҳиндистон давлатларида даволанаётган боқувчиси бўлмаган, оғир бемор болалар саломатлигини тиклаш учун моддий ёрдамлар кўрсатилган.

2022 йил давомида “Болажон дунёси” ҳайрия жамоат фонди томонидан 140 нафар бемор болаларга 2 млрд 600 млн сўмлик беғараз моддий ёрдамлар кўрсатилган бўлиб, Фарғона шаҳардаги 2 нафар ногирон фарзанди бўлган, кўзи ожиз Г. Қурбоновага 224 млн сўм маблағ сарф этилиб, унинг уйи қайта таъмирланиб, тўлиқ жиҳозлаб берилди. Фарғона шаҳридаги боқувчиси бўлмаган 2 нафар фарзанди бор Р.Ашуровага 311 млн сўм маблағ сафрланиб, беш хоналик уй қуриб берилди. Қашқадарё вилоятининг Нишон туманидаги боқувчиси йўқ 2 нафар фарзанди бўлган Д. Қудратовага 249 млн сўмга уч хоналик барча жиҳозлари билан янги уй қуриб берилди.

2023 йил давомида 165 нафар болаларга 1 млрд 600 млн сўмлик беғараз ёрдамлар кўрсатилган бўлиб, шундан 12 та вилоятдаги боқувчиси бўлмаган, ёрдамга муҳтож ва бемор фарзанди бўлганларга қиш фаслида 180 млн сўмлик кўмир ва озиқ овқат воситалари ёрдам тариқасида тарқатилди. Анкогематологик кассалиги бўлган боқувчиси йўқ болаларга доимий ёрдам кўрсатиб келинмоқда.

Шунингдек Фарғона вилояти Фурқат туманидаги якка ёлғиз яшовчи, кўзи ожиз ногирон Х.Қорёғдиеванинг яшаш шароити жуда оғир аҳволда бўлганлиги сабабли, 117 млн сўмлик ёрдам кўрсатилиб, барча шароитлар билан ошхона ва ювиниш хонасига эга бўлган икки хоналик уй қуриб берилди. Тошкент шаҳрида истиқомат қилувчи бир ярим ёшли Мадинабонунинг юрак етишмоқчилиги бўйича Ҳиндистонда давлониши, жарроҳлик операцияси учун 86 млн сўм беғараз моддий ёрдам кўрсатилди. Навоий вилоятининг Хатирчи туманида яшовчи жигар серрози билан касалланган, боқувчиси бўлмаган, саккиз ёшли С.Шариповга Ҳиндистонда даволаниши учун 35 млн сўм моддий ёрдам кўрсатилди.

Р.Норматов саҳоватпеша, жонкуяр инсон сифатида жамоатчилик вакиллари, вилоят фаоллари ва аҳоли ўртасида ҳурмат қозонган.

Кўкрак нишони билан тақдирланган Ўзбекистон нодавлат нотижорат ташкилотлари миллий ассоциацияси аъзоларини Ассоциация жамоаси номидан муборакбод этамиз!