Ёшларни радикаллашувининг олдини олиш: оммавий ахборот воситаларида ёритилиши

2024 йил 21-22 ноябрь кунлари Фарғона шаҳар "Saroy Garden" меҳмонхонасида Ўзбекистон журналистларини қайта тайёрлаш маркази томонидан ЕХҲТнинг Ўзбекистондаги лойиҳалари Координатори кўмагида журналистлар, блогерлар ва фуқаролик жамияти институтлари вакиллари иштирокида “Ёшларни радикаллашувининг олдини олиш: оммавий ахборот воситаларида ёритилиши” мавзусида икки кунлик семинар-трененг ташкил этилди.

Тадбирда вилоят прокуратураси вакили, олий таълим муассасалари ходимлари, талабалар, ёшлар етакчилари, ННТ вакиллари, журналист ва блоггерлар иштирок этди.

Тадбир давомида Радикаллашув тушунчаси, ёшлар радикаллашуви ва замонавий тахдидлар, ОАВ ва ижтимоий тармоқларда муқобил сторителлинглар аҳамияти, медиасаводхонлик, ахборот хавфсизлик бўйича билим салоҳиятини ошириш каби мавзуларда слайдлар орқали маълумотлар берилди ҳамда ОАВда самарали видеоконтент яратиш бўйича маҳорат сабоғи ташкил этилди.

Фарғона вилоят прокуратураси вакили томонидан вилоятда ёшларни радикаллашувини олдини олиш борасида олиб борилаётган ҳуқуқий профилактик ишлар юзасидан ахборот бериб, иштирокчилар томонидан берилган саволларга жавоблар берди. 

Семинар-тренинг  якунида “Ёшларни радикаллашувининг олдини олиш борасида ҳуқуқни мухофаза қилиш органлари, ННТ ва ОАВ вакиллари, блогерлар ўртасида ҳамкорлик, муносабат ўрнатиш йўллари” мавзусида “Ток-шоу” суратга олинди.